ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ

ᓂᐲᑦ ᓄᓇᕗᒻᒥᑦ

Elder Nilaulaaq Aglukkaq's letter in Inuktitut

ᒥᓇᕆᓗᒍ ᐊᑭᖃᙱᑦᑐᖅ ᑕᒪᒃᑯᓂᖓ ᐱᔪᓐᓇᕐᓂᐊᕋᕕᑦ: Real Player
ᑐᓴᔭᒃᓴᖅ ᐱᐅᓂᖅᓴᐅᔪᖅ (ᒻᐱ3 1,409 KB)
ᑐᓴᔭᒃᓴᖅ ᐱᐅᔪᖅ (ᒻᐱ3 706 KB)

ᓂᓚᐅᓛᖅ ᐊᒡᓗᒃᑲᐅᑉ ᑎᑎᖅᑲᓕᐅᕈᑖ ᓂᐱᓕᐅᓪᓗᓂ ᐃᓄᒃᑎᑦ ᐄᐊᓐ ᐃᕕᐅᓱᓐᒧᑦ ᐊᐱᓕᕆᐊᖃᕐᓂᕐᒧᑦ ᐊᑎᖅᓯᐅᕐᓂᕐᒥᒃ ᖃᓄᐃᓕᐅᖅᑎᓪᓗᒋᑦ, ᐋᑐᕚᒥ, ᓄᕕᐱᕆ 1,2002ᖑᑎᓪᓗᒍ.

ᐅᑎᒧᑦ | ᑐᒡᓕᐊᓄᑦ

ᑕᐃᒪᑉᓱᒧᖓ ᐃᒃᐱᒋᓪᓗᐊᖅᑐᖓ, ᐅᕙᖓ ᓄᑖᖑᔮᖅᓯᖅᑐᒥᒃ ᑕᐃᒍᖅᑕᐅᖃᑦᑕᓕᕋᒪ ᐊᑎᒻᒪᕆᖃᕋᓗᐊᕋᒪ ᓂᖏᐅᒻᓂᒃ, ᐊᑖᑕᒪ ᐊᑖᑖᑦᓂᒃ ᐊᑎᒻᒪᕆᖃᕋᓗᐊᕋᒪ. ᑕᔾᕘᓇ ᑕᐃᒪ ᐃᒃᐸᒃᓴᖅ ᑕᐃᒍᑦᑎᐊᖅᑕᐅᓕᖅᖢᖓᓗ, ᑕᐃᒎᓯᓯᐊᕆᓯᓐᓇᕋᑉᑯᓕ ᐅᓇ ᒥᐅᕆᐊᒻ ᐊᒡᓘᒃᑳᖅᑕᐅᖃᑦᑕᓕᕋᒪ ᐅᐃᒻᓄᑦ. ᑖᒻᓇᓕ ᐊᑎᑐᖃᒻᒪᕆᒋᒐᓗᐊᕋᑉᑯ ᓂᓚᐅᓛᖅ,ᓄᑕᕋᐅᓂᒻᓂᒃ ᑕᐃᒪ’ ᖓᑦ ᑕᐃᒎᓯᐊᒻᒪᕆᒐ ᑕᔾᕙ ᑖᒻᓇ ᓂᓚᐅᓛᖅ. ᓄᔭᐃᑦᑐᒥᖒᖅ ᑕᐃᑉᓱᒥᖓ ᐊᑎᖃᕋᒪ, ᑕᐃᒪ ᓂᓚᐅᓛᕐᒥᒃ ᑕᐃᒍᖅᑕᐅᒻᒪᕆᒃᖢᖓ ᓄᑕᕋᐅᓂᒻᓂᒃ ᑕᐃᒪ’ ᖓᑦ. ᐊᑎᖃᖃᑎᖃᖂᖅᐸᔪᙱᑦᑐᖓ ᑕᐃᒪ ᓇᓚᐅᓛᕐᒥᒃ ᑕᐃᒪ’ ᖓᑦ ᑕᐃᒪ’ ᖓᑦ ᑕᐃᒍᖅᑕᐅᒐᒪ. ᑭᓯᐊᓂᒡᓕ ᐃᒃᐸᒃᓴᖅ ᑕᐃᒪ ᐃᒻᓇ ᐃᒃᐱᒋᓪᓗᐊᖅᑕᐸᓇᓗᒋᒐᑉᑯ ᖁᔭᓕᔪᖕᓇᕈᒪ ᖃᓄᖅ ᖁᔭᓕᔾᔪᑎᒃᓴᒥᒃ ᖃᐅᔨᒪᙱ’ ᓇᒪ. ᖃᑉᓗᓈᑐᑦ ᐅᖃᕈᖕᓇᕈᒪ ᑭᐅᔪᒪᓪᓗᐊᖅᖢᒍ ᐃᒪ’ ᓇ ᐃᓱᒪᒐᓗᐊᕋᒪ, ᐅᖃᒪᓕ’ ᒪᑦ ᐃᒃᐱᒋᓪᓗᐊᖅᑕᕋ ᑕᐃᒻᓇ. ᐊ’ ᔨᙳᐊᖓᓂᒡᓗ ᐊᑖᑕᒪ ᕿᓂᕐᓗᐊᖅᖢᖓ ᐊᑎᕆᙱᑖ’ ᓂᒡᓗ ᐊᑎᖃᖅᖢᓂ ᐊᑎᐊ ᑕᐃᓯᒪᙱᑎ’ ᓗᒍ. ᑕᔾᕙ ᑕᐃᒪ’ ᓇ ᐅᖃᓇᓵᓐᓄᐊᖅᑎ’ ᓗᓂ ᑕᐃᒻᓇ ᐅᖃᒪᓕ’ ᒪᑦ ᐃᒪ’ ᓇ. ᒪᒥᐊᓪᓗᐊᖅᖢᓂ ᐃᓄᖕᓂᒎᖅ ᒪᒥᐊᓪᓗᐊᖅᖢᓂ ᐃᓄᖕᓂᒎᖅ ᐊᑎᖃᙱᓐᓂᖅᑎ’ ᓗᒋᑦ ᐊ’ ᔨᙳᐊᕐᓂᒃ ᑕᐃᒪ’ ᓇ ᓴᓇᓯᒪᔪᓂᒃ ᐅᒡᒍᐊᕈᑎᖃᓕ’ ᒪᑦ ᑕᔾᕘᓇ ᐃᒃᐱᒋᓪᓗᐊᖅᑕᕋ“ ᐄᕿ ᐃᔾᕕᐅᙱᑦᑐᖅ ᓯᕗᓪᓕᑎᕙᓪᓗᐃᑦ ᑕᐃᑉᑯᐊᑦ ᑕ’ ᓇᐃᓕᐅᖅᑐᑦ, ᐃᔾᕕᑦ ᑕ’ ᓇᓕᐅᙱᑦᑐᑎᑦ” ᐃᓱᒪᓪᓗᐊᖅᖢᖓ ᐃᓗᑉᑯᑦ ᕿᐊᒻᒪᕆᓕᕋᒪ. ᑖᒻᓇ ᐃᒃᐱᒋᓪᓗᐊᖅᖢᒍ ᐃᒃᐱᒋᒐᑉᑯ, ᐃᑲᔪᖅᑰᒻᒪᕆᒃᖢᓂ ᐅᕙᒻᓂᒃ ᐊᑖᑕᒻᓂᒃ ᕿᓂᕉᑕᕆᑎ’ ᓗᓂ ᑕᔾᕘᓇ ᐃᑲᔪᖅᑰᖅᖢᓂ ᐅᖄᓚᙱᒻᒪᕆᒃᑐᖓ ᐊᑕᐅᓯᕐᒥᒡᓘᓐᓃᑦ. ᓇᓚᐃᑦᑎᐊᖅᖢᓂᐅᒃ ᑖᒻᓇ ᐃᓱᒪᒋᔭᕋ ᐅᖃᒪᓕ’ ᒪᑦ ᐃᒃᐸᒃᓴᖅ, ᑭᓯᐊᓂ ᖁᔭᒋᓪᓗᐊᖅᑕᕋ ᑕᐃᒪ’ ᓇ ᐅᖄᓚ’ ᒪᑦ. ᑖᒻᓇ ᐱᔾᔪᑎᒋ’ ᓗᒍ “ᐃᔾᕕᐅᙱᑦᑐᖅ ᑕᐃᒪ’ ᓇᐃᓕᐅᙱᑦᑐᑎᑦ, ᐃᔾᕕᑦ ᑕᔾᕙ ᐃᑲᔪᑦᑎᐊᕐᓃᑦ ᑕᐅᑐᓕᕋᑉᑯ” ᐃᓱᒪ’ ᓗᖓ ᑕᔾᕙ ᐅᑉᓗᒥᐅᔪᖅ ᐊᔪᕐᓇᙱᑉᐸᑦ ᑕᒫᓃᖏᓐᓇᕈᖕᓇᕈᕕᑦ ᐃᓄᐃᑦ ᑖᑉᑯᐊᑦ ᐊᑕᐅᑦᑎᒃᑯᑦ ᓴᓇᖃᑎᒋᓗᒋᑦ ᒫᓂ ᐊ’ ᔨᕌᓗᖃᐅᖅᖢᑎᒃ ᓂᐱᕌᓗᖃᐅᖅᑐᖅᐸᓗ’ ᒪᑕ, ᑖᒻᓇ ᐃᓄᖕᓄᑦ ᓴᑦᕿᖅᑎᑕᐅᓂᖅᓴᐅᖁᓪᓗᐊᖅᖢᒍ ᐃᓱᒪᒋᓪᓗᐊᕋᓗᐊᕋᑉᑯ. ᑖᒻᓇ ᐱᔾᔪᑎᒋ’ ᓗᒍ ᐃᓚᖃᖅᑐᖅ ᓇᓗᓇᙱ’ ᓗᓂ ᓴᓇᔪᒪ’ ᓗᓂᓗ ᓴᓇᓂᐊ ᑕᔾᕘᓇ ᐊᑦᖁᓇᕐᓂᖓ ᐅᕙᒻᓄᑦ ᓴᑦᕿᒃᑑᔮᖅᓯ’ ᒪᑦ. ᑕᔾᕘᓇ ᖃᑉᓗᓈᖑᒐᓗᐊᖅᐸᑦ ᕿᕐᓂᖅᑑᒐᓗᐊᖅᐸᑦ ᐃᓅᒐᓗᐊᖅᐸᑦ ᓇᓪᓕᐊᑐᐃᓐᓇᖅ ᐃᑲᔪᖅᑐᙱᒻᒪᕆᒃᑲᑉᑯ ᐆᒪᑎᑦᑯᑦ ᐃᒃᐱᒋᓪᓗᐊᕋᑉᑯ, ᑕᐃᒪ ᖃᐅᔨᒪᕗᑎᑦ ᐃᔾᕕᑦ ᐃᓄᖕᓂᒃ ᐊᑦᖁᓇᐅᑎᖃᕋᕕᑦ ᑕᐃᒪ’ ᓇ ᑭᓯᐊᓂ ᑖᑉᑯᐊ. ᓴᓇᔪᒪᑦᑎᐊᖅᑐᕐᓗ ᓴᓇᔪᒪᑦᑎᐊᙱᑦᑐᕐᓗ ᓇᓗᓇᙱ’ ᒪᑕ ᑕᑯᓯᓐᓇᖅᖢᑎᒃ ᑮᓇᐃᑎᒍᑦ ᓇᓗᓇᖃᑦᑕᙱ’ ᒥ’ ᒪᑕ. ᐃᒃᐱᒋᓂᕐᒥᒍᑦ ᑖᒻᓇ ᓴᓇᔪᒪᔪᖅ ᑕᐃᒪ ᑖᒻᓇ ᐱᒻᒪᕆᐅᓂᖅᓴᐅᖃᑦᑕ’ ᒪᑦ. ᖃᓄᑭᐊᖅ ᑖᒻᓇ ᖁᔭᓕᓪᓗᐊᖅᖢᒍ ᐱᒐᓗᐊᕋᑉᑯ ᐅᖃᐅᓯᒃᑯᓪᓘᓐᓃᑦ ᖁᔭᓕᓂᕐᒥᒃ ᑐᓂᓯᕚᓪᓕᕈᒪᓕᕋᓗᐊᕋᒪ ᑕᔾᕘᓇ ᐱᔪᖕᓇᕐᓂᖅ ᐊᑐᕐᓗᒍ. ᖃᑯᒍᑐᐃᓐᓇᖅ ᐃᑲᔪᖅᑕᐅᔪᒫᖅᑐᒐᓗᐊᖅᑐᒍᑦ ᓇᓗᙱᒃᑲᓗᐊᖅᑐᖓ ᑕᓴᒻᓇ ᐱᔪᒪᓂᖅ ᐅᒃᑯᐃᑦᑎᐊᓯᒪᔭᐅᖁᓕᕋᓗᐊᕋᑉᑯ ᑕᐃᑲᓂᓗ ᑕᑯᔭᒐᖃᕐᕕᖕᒥ ᑕᐃᑉᑯᐊᑦ ᐅᒃᑯᐃᖅᐹᓪᓕᖅᑕᐅᖁᒐᓗᐊᕋᑉᑭᑦ ᐃᓚᕕᓂᑦᑲᑦ ᓯᕗᓪᓕᕆᔭᑦᑲᑦ ᓂᖏᐅᕋᑉᑕᐅᖅ ᐊ’ ᔨᙳᐊᖃᕋᓗᐊ’ ᒥ’ ᒪᑦ. ᐊᑖᑕᒪ ᐊᑖᑖ ᐊ’ ᔨᙳᐊᖓᓕ ᑕᑯᖃᑦᑕᖅᓯᒪᓕ’ ᒥᔭᕋ, ᐊᕐᓇᑦᑯᐊᖅᓵᐸᓇᓘ’ ᓗᓂ ᐱᓚᒃᑐ’ ᒪᑦ ᓂᕿᒥᒃ ᐱᑉᓯᑐᖅᑎ’ ᓗᒍ. ᐊᑖᑕᒪ ᐊᓈᓈᑉᑕᐅᖅ ᓄᔭᐃᑦᑑᖑᓂᕋᖅᑕᐅᖃᑦᑕᖅᑐᖅ, ᑕᔾᕘᓇ ᑕᐃᒪ ᐃᑲᔪᕈᖕᓇᖅᐸᑕ >ᐃᓄᐃᓪᓘᓐᓃ ᖃᑉᓗᓈᖑᒐᓗᐊᕐᓗᑎᒡᓘᓐᓃᑦ ᐊᑕᐅᑦᑎᒃᑯᑦ ᑖᒻᓇ ᓴᑦᕿᑎᑕᐅᕚᓪᓕᖁᒐᓗᐊᕋᑉᑯ, ᐃᓄᐃᑦ ᐊᔪᕐᓇᙱᑦᐸᑦ ᑕᒪᐅᖓ ᑎᑭᑎᑕᐅᓗᑎᒃ ᐅᖃᖃᑎᒌᑦᑎᐊᖅᐹᓪᓕᕐᓗᑎᒃ ᑕᓴᒻᓇ ᐃᖢᐊᖅᓴᖅᑕᐅᕚᓪᓕᖁᒻᒪᕆᓕᕋᓗᐊᕋᑉᑯ ᐃᓄᐃᓪᓗ ᖃᕐᓗᓈᓪᓗ ᐊᑕᐅᑦᑎᒃᑯᑦ ᐅᖃᖃᑎᒌᒡᓗᑎᒃ ᑲᑎᒃᐹᓪᓕᖁᒐᓗᐊᖅᖢᒋᑦ. ᑕᔾᕘᓇ ᐱᔾᔪᑎᖃᕐᓗᐊᖅᖢᖓ ᖁᔭᓐᓇᒦᒻᒪᕆᒃᑐᖓᓗ ᐊᖏᔪᒥᒃ ᑕᐃᒻᓇ ᐅᖃᓕᖅᑎ’ ᓗᒍ ᐃᓅᙱᒃᑲᓗᐊᖅᖢᓂ ᐃᓄᐃᑦ ᐱᑦᑯᓯᒻᒪᕆᐊᑦ ᐃᓱᒪᒋᔫᔮᖅᖢᒍ ᐅᖃ’ ᒪᑦ ᐃᒃᐱᒋᓪᓗᐊᕋᑉᑯ ᑕᔾᕘᓇ ᐱᔾᔪᑎᒋᑦᕿᑦ’ ᓗᒍ. ᓱᓇᐅᙱᑐᐊᓘᒐᓗᐊᖅᑎ’ ᓗᓂ ᐃᒃᐸᒃᓴᖅ ᐊᑎᕋ ᖃᐅᔨᒪᔭᐅᓐᓂᖅᖢᓂ ᓂᓚᐅᓛᖅᑕᐅᖃᑦᑕᓕ’ ᒪᑦ ᓄᑕᕋᐅ’ ᓗᖓ ᑖᒻᓇ ᐱᕙᓪᓕᐊᔾᔪᓯᕋ ᐃᑦᖃᐅᒪᓪᓗᐊᓕᕋᑉᑯ ᐃᒃᐸᒃᓴᖅ ᑕᑕᒥᓯᒪᒻᒪᕆᓕᕋᒪ. ᖁᔭᓐᓇᒦᕌᓗᒃ ᐊᖏᔪᒥᒃ ᐱᓗᐊᖅᑐᒥᒃ ᔮᓇᑦ ᑕᔾᕘᓇ ᓴᑦᕿᑎᑦᑎᒐᕕᑦ ᑕᐃᒃᓱᒧᖓᓗ ᖃᒡᓕᒋᐊᖅᑎᓗ’ ᒪ ᐱᒐ’ ᒪ ᑖᒻᓇ ᐃᒃᐱᒋᓪᓗᐊᕋᑉᑯ ᐊᖏᔪᒥᒃ. ᐊᔪᕐᓇᙱᑉᐸᑦ ᓴᓇᖃᑎᒌᑦᑎᐊᖁᕙᑉᓯᒃ ᑕᔾᕘᓇ. ᑕᔾᕙᑐᐊᖅ ᖁᔭᓐᓇᒦᒃ.

(ᓂᓚᐅᓛᖅ ᐊᒡᓘᒃᑲᖅᐅᑉ ᑎᑎᖅᑲᖓᓂᑦ ᔭᓇᑦ ᒪᒍᕋᔅᒧᑦ ᖃᓪᓗᓈᑎᑑᓕᖅᑕᐅᓂᑯᒥᑦ ᓄᕕᐱᕆ 2002ᖑᑎᓪᓗᒍ)2